Háborg og Þórunn Pálsdóttir lgf kynna íbúð 1102, fallega útsýnisíbúð á 11. hæð við  Sólheima 23, 104 Reykjavík.  Íbúðin er 72 fm auk geymslu í kjallara sem er um 3,5 fm.  Til viðbótar eru  9,1 fm skjólgóðar suðursvalir yfirbyggðar að hluta. Stórfenglegt útsýni til suðurs og austur er úr íbúðinni og af svölunum.
Rúmgott alrými með stofu, borðstofu og eldhúsi og útgengi á suðursvalir. Gott svefnherbergi. Glæsilegt baðherbergi tekið í gegn árið 2024.  Húsvörður er starfandi í byggingunni og er húsfélagið eigandi að íbúð 104 í húsinu.
Nánari upplýsingar veitir Þórunn Pálsdóttir Lögg. fasteignasali, í síma 773-6000,  eða [email protected].

Nánari lýsing:

Komið er í rúmgott hol  þar sem á hægri hönd er gott svefnherbergi (eldhús skv. samþykktum teikningum),  við hliðina er glæsilegt baðherbergi sem var endurnýjað árið 2024.  Það er með fallegum grænum veggflísum, sturtu sem gengið er beint inní, upphengdu  Bidet salerni (sjálfhreinsandi)  og opnanlegum  glugga.  Geymsla  sem er 1,8 fm að stærð er við hliðina á baðherberginu og  þar er tengi fyrir þvottavél.  Gangurinn rennur saman við fallegt alrými sem telur eldhús, borðstofu og stofu þaðan sem gengið er út á rúmgóðar suðursvalir, yfirbyggðar að hluta.  (Skv. teikningu var svefnherbergi í hluta stofunnar)
Raflagnir íbúðarinnar voru endurnýjaðar árið 2019. Harðparket var lagt á hol og svefnherbergi árið 2022, en eldra parket er á alrými.
Stórbrotið útsýni er úr íbúðinni og af svölunum  til suðurs til fjalla og sjávar. 
Sameignin er hugguleg og rúmgóð og eru sameiginlegar svalir með frábæru útsýni til norðurs á hæðinni.
Sameiginlegt þvottahús og fleira er í sameign.
Viðhald á húsinu er reglubundið og yfirstandandi framkvæmdir við ytra birði  eru að fullu fjármagnaðar. Helstu endurbætur síðustu ár:
2017 Gluggar endurnýjaðir.
2022 Skólp og dren lagfært. 
2024 Ein lyfta af tveimur endurnýjuð.
2024 Bílastæði endurbætt. 
2025 Anddyri lagfært.
 
Mjög skemmtileg útsýnisíbúð á 11. hæð á þessum vinsæla stað þar sem stutt er í skóla og fjölbreytta þjónustu.
Nánari upplýsingar veitir Þórunn Pálsdóttir Lögg. fasteignasali, í síma 773-6000, tölvupóstur [email protected]s.